Sashin Hausa – Hausa Christian Foundation

GABATARWA:

TSANANI, TSANGWAMA DA HADARIN DA HAUSAWA MABIYAN ALMASIHU KE FUSKANTA

Da farko dai, Hausa yarene ba addini ba. Akasarin Hausa, na zaunene a arewacin Nigeria da sauran wasu kasashen Africa kamarsu; Niger, Benin, Ivory coast, Cameroon, Chad, Ghana, Sudan,Togo, Gbon, Algeria, Congo dakuma Burkina faso. Tunfil azal,Hausawa sun kasance yan Nigeria. Hausawa da yaran su, nanan tun kamin zuwan turwa da larabawa da suka kawo addini a Africa, kamar dai sauran harsuna da kabilai.

Wasu daga cikinsu sun karbi bisharar Almasihu. Wasu sun zama kristoci karkaashin almasihu. Wasu kuma suna nan cikin addinin gargajiya da suka gada daga kakanni,wato maguzanci. Harshen Hausa shine babban harshe da aka fi amfanin da shi a arewa. Akasarin Hausawa mabiyin Almasihu sana’ar su nomane da kiwo,ba ragwaye bane ko kadan! Wanan yasa basu kwallafa ransu ga aikin bature ba, asalima sai suka gwammace suyi aiki tukuru domin samarwa kansu abinci da abubuwan bukata ta hanyar noma da kiwo da suka gada tun tale-tale. Ba masu tagumi da gwiwar wani bane, balantana ayi masu gori, sai dai suna riko da kayarwar Ubangijinsu cewa “kada rago yaci abinci”. Tuni suka san lalaci ba abin arzaki bane.

A Nijeriya ta arewa, mawuyacin abune kayi kacibus da mabaraci ko mai aikin aika-aika cikin Hausawa mabiyan Almasihu! Basu yin bara ko banbadanci daga wannan ma’aikata zuwa wa wacen kamar wadansu.

Hausawa mabiyan Almasihu sun kasance saniyar ware, sakamakon tsana da tsangwamar da akayi ma su tun bayyanar musulinci da darewar mabiyansa kan karagar mulki a arewacin Nigeria. Yaran Hausa, ya rasa matsayin san a farko, a inda a yau, mutane ke masa mum-munan zato da fassara shi da wadansu ma’anoni daban-daban, a cikin gida Nigeria dama duniya baki daya.

Hakika, Kalmar Hausawa ta sami kanta cikin tsaka mai wuya! A inda da zarar an ambaci ta sai wasu suji tsoro don sun dauka ana maganar tashin hankali keta masu tsatsauran ra’ayin musulinci masu zakin addini, tsageru masu tsanantawa mabiyan Almasihu ko kuma, Kristoci, masu mugun aiki, da dai sauran mugayen ma’anoni marasa dadin ji a kunnuwan kirki. Wani abin takaici shine, da zarar wani mutumi ko wata mutumiyar kudanci, ko gabashi, ko yammacin kasarnan ya ko ta zama musulmi sai kawai a rika kiransa bahaushe, ko kuma a kirata bahaushiya, ko shi ko ita su rika kiran kansu hausawa. Sai kaga nan da nan sun dora kahon zuka ga garensu ko dabi’unsu na asali wai don kawai su masallata ne. Wannan yasa da zarar mutanen yama, kudu ko gabashin kasannan sunji bahaushe to daukansu kawai masallacine ko masallaciya. Da zarar kaji suna maganar Hausa ko Hausawa to nufinsu kawai masallatane. Lamarin bai tsaya anan kawai ba, hatta sauran kabilun dake zaune a Nigeria ta Arewa duk haka ake masu wannan kallon biyu ahun! Da haka aka samo kalamai irin su Hausawa, Hausa-Fulani, Arewa, da dai sauransu. Babbar illar abin sune, yanci da daukakar da falalar da Allah ya yiwa wadansu kabilu daba muslmaibane duk musulunci yayi masu shamaki. An maishe mu kamar yan gudun hijira, baki, marasa yanci a garuruwanan na haihuwa da kasarmu ta gado, wai don kawai mu ba musulmai bane. Mun sha wahala iri-iri, kakaninmu da wasu iyayenmu sun bautu da muguwar bauta abin har cikin karni na ashirin da daya.

Hakika tsanani da tsangwama, da hadarin da mabiyan Almasihu, wato Hausawa Kristoci ke fuskanta a Nigeria yakai intaha.

GA WASU KALILAN DAGA CIKIN TSANANIN DA HAUSAWA MABIYAN ALMASIHU KE FUSKANTA A NIJERIYA:

Hanamu sanuwa a duniya da gangan ta hanyoyin mana shamaki a kowanne fanni a Nigeria ta Arewa; ana nunawa duniya cewar ba bu wani bahaushe ko bahaushiya maibin Almasihu, sai dai yan tsararu dake cigaba da riko da addininsu na gargajiya wato maguzanci. Suna ta kirarin babu bahaushen daba masallacibane. Wannan kirarin yasa ake ci gaba da gallazawa mutanenmu azaba ta ko wace fuska.
Hanawa yaranmu izinin shiga makarantu ,kin basu takardun shaidar yan kasa, kin daukan su ayyuka a fannonin ko ma’aikatun gwamnati massamman dai wadanda ke da sunayen Kristanci ko nasara!
Yin amfani da kowace irin dama wajen ta da hankalinmu da haddasa yamitsin da ke kaiwa ga gone mana Majami’un mu da gidajen mu na kwana da kwashe mana mallakokinmu, yiwa wasu matayenmu fyade da cin zarafi da sauran nau’oin cin zarafin biladama.
Kone mana wuraren ibadumu, da hana mu izinin gina wurin sujadunmu da aka kone mana a gwamnatance
Dauke mana yaya da tilasta masu shiga musulinci ta ko wane hali. Tsorata su, suyi musun iyayen su da yi masu aure irin na kama-karya ba tare da sanin ko izinin iyayensu na haihuwa ba
Hana mana abubuwan more rayuwa kamarsu hanyoyi, wutar lantarki, da ruwa da asibitoci da ko wane irin dausayi da ake samu a siyasance daga gwamnatocinmu.
Hanawa mutanenmu dammar su fito a dama dasu a fagen siyasa ta wurin hana mana akwatin zabe, kin bamu masarautu da mukaman siyasa a Arewa kwata, dukda muna muna da mutane da suka can-canta ayi dasu ta fuskar ilimi da kuma kowacce irin kwarewa ta rayuwa. Amma sai aka yi mana shamaki da musulunci.
Wata gawartacciyar matsala itace ta kwachewa mutanenmu gonakinsu na gado dama wasu gidaje da muka gada kaka da kakanni. Wannan aika aika na faruwane da sanin sarakunan nan na musulunci da aka dora mana karfi da yaji.
Mabiyan Almasihu dake arewacin Nigeria na cikin mummunan kunci na rayuwa sanadiyar kisa da iya cin hatsi na musulunci da niyyar musuluntar da arewa ta ko wane hali. Abin takaicin shine ana gudanar da wannan mugun aikin da baitunmalin kasa, wato gwamnati ta wurin bunkasa ayyukan ta’adda da firgitar da rayuwar yan kasa. Arewarmu ta Nijeriya ayau ta zama saduma da gwamratar karshen zamani inda gaskiya da amana suka kaurace, tashin hankali da keta ya sami gindin zama. fadin gaskiya da aikata ta ya zama babban kalubalen da sai wadanda suka sai da ransu kawai ke kamantashi.
Tsaron dukiya da na rayuwarmu ya tabarbare. Hakika tsananin da muke sha a Kristance yafi gaban rashin kayayyakin more rayuwa irinsu hanya, ruwansha, asibutoci ko makarantu. Abin yakai ga ana ta farautar rayukan mu da yan abubuwan da muke samu da jibin goshi. Anatayi mana fashi da makamai, ana ta garkuwa da mutanenmu da karbar makudan kudaden fansa. Mun zama maraya duk da muna gaban iyayenmu. Allah kadai ya sauro wajen taimakon mu!

BABBAN UMURNIN CIBIYAR HAUSAWA KRISTA TA NIGERIA (HAUSA CHRISTIANS FOUNDATION – HACFO)

Cibiyar Hausawa Krista, cibiya ce dake Hidimar Bisharar Almasihu a cikin Al’ummar Hausawa ta Nijeriya wadda ke da umurnin kwance sarkokin mugunta, kwance masu sarkiya, yantar da wadanda aka zalunta, da kuma kakkarya kowacce karkiya dake addabar Hausawa. Ubangiji Yahweh ya kiramu ne don mu sake gina tsofaffin kufanmu na da can, mu sake kafa tushen zuriya da yawa a cikin tafarkin Ubangji, mu kuma gyara abinda da ya lalace, da kuma sake gyaran gidajenmu.

Sanadiyar umurnin Cibiyar Hausawa Kristoci (Hausa Christians Foundation) shine mu karfafa, mu gina, mu kuma tsare dukan Hausawa Krista daga farmakin makiyanmu da kuma kyarketan duniyan nan, da kuma cigaba da isar da Bisharar Almasihu Mai Ceton Duniya ga sauran Hausawa wadanda basu sami ceto ba don suma su samu sulhu da Ubangiji Mahalicci Mai Rai wato Yahweh.

KUDIRINMU

Kawo bege ga wadanda suka karaya, Karfin hali ga wadanda ke jin tsoro, gabagadin kare Bangaskiyarmu a cikin Alsmasihu da kuma sake gina halin jajircewa a cikin dukan Hausawa Krista a Nijeriya da yadda zasu fuskanci gabansu ba tare da tsoro ko shakka ba, ta haka muke samar da ma’aikatan Ubangiji Maza da Mata domin kai Bisharar Almasihu ga daukacin Hausawa ta wajen yin hidimar sulhu da Ubangiji.

JIGON WANZUWARMU

Don mu zama murya da zata yantar da dukan Hausawa Kristoci a Nijeriya daga duk wani kangin zalunci da cin mutuncin bil’adama da kuma moriyar da ya wajjaba mu samu daga gwabnati kamar yadda duk wani dan Nijeriya ya kamata ya samu, ta haka zamu samar da kofar shiga dukan kasar Hausa da Bisharar Isa Almasihu.

MANUFARMU

Nunawa ko koma sanar da daukanci duniya cewa akwaimu anan Arewacin Nijeriya kuma mu yan kasane, Nigeria tamuce muma, muna kuma tinkaho da kasancewarmu na Almasihu a Kristance. Karfafawa da kuma goyon bayan dukan Kristoci Hausawa da su fito fili su bayyana zaluncin da suke fuskanta a duk inda suke a zaune; da kuma ci gaba da jajircewar neman yancin aikata bangaskiyarmu ta Krista batare da tsangwamaba kamar dai yadda sauran yan kasa ke nasu badali mu ma a sakar man mara! Ta haka zamu kare, mu kuma gina Hausawa Krista, mu kuma ribato sauran da har yanzu basu san Almasihu ba.

AYYUKANMU

A KARSHE

Akubar da Hausawa Kristoci ke ciki da ayar da ake gasa mana a hanu ya samo asaline daga zabin bangaskiyar da mukayi ta Kristanci. Wato bayyana yarda ga Ubangijinmu Yahweh, Yesu Almasihu Murucin kan-duste kowa ya rasa ka yayi hannun riga da samun ceto! Bacin ranmu ne muci gaba da ganin ana wahalar da mutanen mu a Nigeria ta Arewa, amma cike mu ke da murna ganin dorewar mu a kan dutsen ceto ko da me zai taho! Muna godo abisan gwiwayinmu cewar wannan madun-dumin na mugunta da iblis ke amfani dan makantarda zuciya da idanun makwabtanma, da kuma wasu yan’uwanmu ya kawu!

Muna masu godiya ga Buwayi tare da bashi dukan daukaka domin gaba-gadin da muka samu daga gare Shi zuwa ga illahirin masubi na arewacin Nigeria masamman Hausawa Kristoci. Zai cigaba da tabbatar mana da farin cikinmu da kyakkyawan begen mu don mu chigaba da bunkasuwa har sai mun gagari dukkan tsara! Saboda Almasihu daukaka ta tabbata ga Wannan da Yake da ikon aikatawa fiye da dukkan abin da zamu roka, ko zamu zata nesa, wato aikawa ta karfin ikonsa da yake aiki a zucciyarmu. A gareshi dukkan daukaka a ikilisiya da kuma Almasihu har gaban dukkan zamanai. Amin(Afisawa 3:20-21)

KALMAR TUSHEN KAMANIN HAUSAWA KRISTA

Mu Hausawa ne, mu kuma Kristoci ne! Tunaninmu na Almasihu ne. Ruhun da ya ta da Yesu daga matattu na zaune a cikin mu. Ba mu da ruhun tsoro a cikinmu, amma sai dai na halin iko, da Kauna, da kuma halin nagartattun ayyuka. Ba ma jin kunyar Shaidar Ubangijinmu Yesu Kristi. Ba ma jin kunyar bishara, domin it ace ikon Allah mai kai kowanne mai bada gaskiya ga samun ceto.

Nigeria kasarmu ce ta gado, Arewa gadonmu ne, Hausa harshen mu ne da kuma yarenmu, Kristanci kuma shine zabin mu na gari na bangaskiya. Muna fahariya da yadda muke, da kuma abinda muke da shi; ALMASHIHU A CHIKINMU, BEGEN DAUKAKAR DA ZA’A BAYYANA.

Muddin muna a raye a Nijeriya, baza mu amunce da duk wani irin zalunci ba sadoda mu Kristoci ne. Ba zamu ci gaba da yin shuru ba. A kullayaumin, zamu ci gaba da fadin gaskiya cikin kowanne yanayi da kuma haskaka hasken Almasihu.

A Arewacin Nigeria a yau, mun zama tankar kamar abinda Littafi Mai Tsarki ya fada a cikin 2 Korantiyawa 4:8-14

Ana wahalshe mu ta kowacce hanya, duk da haka, ba a ci dunguminmu ba. Ana ruda mu, duk da haka bamu karai ba. Ana tsananta mana, duk da haka bamu zama yasassu ba. Ana fyada mu a kasa, duk da haka ba a hallaka mu ba. Kullum muna a cikin hatsarin kisa, irin kisan da aka yi wa Yesu, domin a bayyana rayuwar Yesu ta gare mu. Wato muddin muna raye, kullum zaman mutuwa muke yi saboda Yesu, domin a bayyana ran Yesu ta wurin jikin nan namu mai mutuwa. Ta haka mutuwa take aikatawa a cikinmu.

Tun da yake muna da ruhun bangaskiya iri daya da na wanda ya rubuta wannan, “Na gasgata, saboda haka na yi magana,” to, mu ma mun gasgata, saboda haka muke magana. Mun sani shi wannan da ya ta da Ubangiji Yesu daga matattu, mu ma zai tashe mu albarkacin Yesu, ya kuma kawo mu a gabansa tare da dukan Masubi.

Amin!

BUKATAR BISHARA

GABATARWA

Me ke kara kyau a cikin duniya?
Yake-yake da jita-jitan yaki ta ko ina.
Jini ya zama abin gani yau da kullum fiye da ruwa a wurare daban-daban
Rayukan jama’a ba a bakin komai suke ba.
Begen mutane sai kara sanyi yake a duk wucewar sa”a
Rayuwa na kara zama sai wani da wani
Tashin hankali da yamutsin karshen zamani sai karuwa suke yi
Ana karkashe Krista, kona Cocika, an hana abubuwan more rayuwa, sa rai duk ya dusashe

ME YA KAWO HAKA?

Dalilin wadannan shine gaba da mulkin duhu yake da mulkin Ubangiji.
Magabci yasan yana da karancin lokaci, ya fito da karfi don ya sace, ya kashe dakuma hallakar.. Balrazanar da ake a duniya, don hana Ikilisiya cika kudirin ta ne: Babban Umurni
Idan tsoro ya hana Ikilisiyar cika babban umurnin, sai Shaidan ya sami karfin dakile ayukan mutane a duniya.
Kuma masifu ba zai taba yankewa ba, muddin shaidan na jan gaba
Duniya na bukatar Kristi amma shaidan na kokarin hana Ikilisiya isar da sakon bishara.

INA MAFITA?

Maganin wadannan masifu ba zai taba samuwa ba a cikin duniyar nan, sai cikin Yesu kadai
Salama na samuwa cikin Almasihu kadai, Yesu a shirye ya ke domin ya ceci Ikilisiya amma sai mun yi biyayya mun kuma cika umurnin
Kowanne Krista dole ya tashi tsaye don tabbatar da nasarar Almasihu akan shaidan ta wajen jajircewa cikar babban umurni ga dukan kasashe, ta haka za a hanzarta dawowar Yesu Almasihu

GASKIYAR MAGANA

Kafin dawowar Yesu, dangon zuwan Almasihu yawaitan tsanani.
Hanzarta dawowar Almasihu ya ta’alaka a kan kowanne mai bi wajen yin wa’azin bishara ga kowace kabila.
Kowanne Krista dole ya tashi tsaye don tabbatar da nasarar Almasihu akan shaidan ta wajen jajircewa cikar babban umurni ga dukan kasashe, ta haka za a hanzarta dawowar Yesu Almasihu

Matt 24:14 – “Za a kuma yi bisharar nan ta mulkin sama ko ina a duniya domin shaida ga dukan al’umai. Sa’annan kuma sai karshen ya zo”

Akwai mutane da yawa a raye da ba su san Yesu ba, fiye da kowanne lokaci cikin tarihi
Wannan na nuna cewa babban aikin bishara bai kare ba!
Yin bishara yadda aka saba ba zai sa agama aikin ba
Bishara dole ta zama jigo kowacce Ikilisiya
Dole Ikilisiya ta zuba jari cikin aikin bishara yadda yakamata
Dawowarsa da wuri, alheri ne ga Ikilisiya

KIDIDDIGA A DUNIYANCE (ABINDA BINCIKE YA NUNA A DUNIYA)

Kashi 81 cikin 100 na, Hindawa, Musulmai da Budawa basu san mutum daya mabiyin Yesu Almasihu ba
Akwai al’umai daban daban 16,560 a duniya a yau
Mutane 47,000 na mutuwa a kullum wadanda bishara ba ta kai gare su ba, ba tare da sun hadu da mabiyin Yesu Almasihu ba.
Akwai kimanin mutane Biliyan 7.13 mutane a duk duniya
Kimanin Biliyan 4.8 ne ba Krista ba (67%)
Kimanin Biliyan 2.91 ne wadanda ba a kai wa bishara ba.
A kimance, 40.5% na al’umai basu riga sunji bishar ba
Katuna 47,000 na mutuwa a kullum wadanda bishara ba ta kai gare su ba, ba tare da sun hadu da mabiyin Yesu Almasihu ba.
Ya za kaji a ce ka gama dukar rayuwarka ba tare da sanin Kristi ba?
Aiyana abun a ranka, “da ace kai ne

TARUN JAMA’A HAUSAWA

Akwai addini uku cikin al’uman Hausawa a Najeriya: Krista, Musulunci da Maguzanci
Fiye da miliyan 20 na Hausawa a Najeriya da ba su sami jin labarin bisharar yesu Almasihu ba. Kusan 60% na mutanen ba su taba haduwa da kowanne irin mai bisharar Almasihu ba
Kasar Hausa a nune take domin babban girbi na rayuka amma darurruka na mutuwa da hallaka a kulliyomin, saboda kadan daga cikin Krista ne suke shirye su kai bisharar kaunar Yesu.
Yawancin mutane a kasar Hausa na so su zo ga Yesu amma tsoron rasa ransu na hana su, kuma Kristoci kalilan ke shirye su yadda su karbe su in sun karbi Yesu Almasihu
Tsananin kiyayya da kristoci ke fuskanta a Arewacin Najeriya, masamman Hausawa kristoci, na karuwa a kowace rana. Wuya da kunci sun zama ruwan dare, kuma rayuwa na cikin halin hawula’i
Kristoci na rasa rayukan su da dukiyoyinsu a kowace rana. Sababbin tuba na fuskantar rasa rayukan su, ko matsanaciyar wahala dun suyi musun Yesu Kristi
Kasar Hausa ta zama wuri mai wuya ga duk wani ayuka na Kristanci.

MAI YUWUWA NE

Da Yesu ya aike mu isar da bishara ga al’umai 6,698, ya bamu TANAJI don AIKIN
Cikin kowarce albarka akwai kwayar bishara
A duk lokacin da aka albarkace mu, an kudirta mana mu zama masu albarka
Ba nufin Allah bane, ko daya daga cikin hausawa su hallaka, amma kowa yazo ga tuba (2 Bitrus 3:9)
Rayuwar mu a duniyar nan ta kankanen lokaci ce. Ba ma bukatar tsaro mai shudewa. Daukaka Ubangiji shi ne manufar mu. A karshen rayuwa za mu so muji, “Madalla bawan kirki,, mai aminci. Ka yi gaskiya a kan karamin abu, zan dora ka a kan mai yawa. Ka zo ku yi farin ciki tare da Ubangidanka”(Matiyu 25:21)